Kurti: Tarifa 100% hiqet porsa të vendoset reciprociteti

Kryeministri i Kosovës, Albin Kurti, ka thënë se tarifa 100% ndaj mallrave të Serbisë do të zëvendësohet me parimin e reciprocitetit.

Në një postim në Facebook ai ka shkruar se tarifa 100% hiqet porsa të vendoset reciprociteti dhe se shumë shpejt do të fillojmë t’i përgatisim Doganat e Kosovës për këtë.

"Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për çnjohjet e pavarësisë së Kosovës."- ka shkruar ai.