KUSH ËSHTË ARBA KOKALARI DHE CILI ËSHTË MISIONI I SAJ?

Arba Kokalari është një politikane shqiptare në Partinë e Moderuar, e cila jeton dhe zhvillon aktivitetin e saj politik në Suedi. Ka lindur më 27 Nëntor 1986 në Tiranë, Shqipëri.

Ajo u zgjodh Anëtare e Parlamentit Evropian në zgjedhjet e fundit të Parlamentit Evropian 2019 në Suedi.

Që atëherë, respektivisht që nga 2 Korriku i këtij viti, ajo është anëtare e Komisionit për Tregun e Brendshëm dhe Mbrojtjen e Konsumatorit dhe Komisionit për të Drejtat e Grave dhe Barazinë Gjinore.

Përveç rolit dhe angazhimit të saj në dy komisionet e lartëpërmendura, ajo së fundmi është zgjedhur edhe anëtare e delegacionit të Parlamentit Evropian për marrëdhëniet me Shtetet e Bashkuara.

Ajo numëron tre fushat kryesore në të cilat do të fokusohet angazhimi i saj si pjesë e këtij delegacioni, edhe atë: klima, tregtia dhe siguria.

“SHBA - të kanë nevojë për Evropën dhe Evropa ka nevojë për SHBA - të’’, shkruan ajo në statusin e saj në Facebook.