Shkenca e thotë: Është plotësisht në rregull të kesh fëmijë pas moshës 35 vjeç

Gratë që ngelin shtatzënë pas moshës 35 vjeç shpesh njihen edhe si "moshë e përparuar e nënës". Nëse nuk e keni dëgjuar më parë këtë term mjekësor, ka të ngjarë të keni dëgjuar se "të presësh shumë gjatë për të pasur një fëmijë është e rrezikshme."

Pse tani gratë presin derisa të kalojnë të 30-tat apo 40-tat e tyre për të krijuar një familje? Nuk ka asnjë përgjigje për këtë pyetje, pasi ka shumë arsye pse amësia tani po ndodh në një fazë të mëvonshme të jetës.

Duhet kohë për të ndërtuar një karrierë, për të ndërtuar një shtëpi, për të gjetur një marrëdhënie të shëndetshme dhe për të siguruar një status të qëndrueshëm financiar. Këto vlera janë të gjitha të rëndësishme për ata që kërkojnë të fillojnë një familje.

Shtatzënia pas moshës 35 vjeç është parë gjithmonë si " problematike dhe e rrezikshme". Sidoqoftë, nuk është se gjithçka është në rregull deri në moshën 34 vjeç dhe pastaj diçka si me magji ndryshon në 35.

Përfundimisht, shkenca ka ardhur në përfundimin se të paturit e një fëmije pas moshës 35 vjeç mund të jetë e dobishme dhe nuk duhet të konsiderohet si një pengesë për gratë e shëndetshme.

Krahasuar me disa dekada më parë, ka pasur një ndryshim. Shkalla e lindjeve për gratë në grupmoshën 35 deri në 39 vjeç është rritur shumë që nga vitet 1970. Në mënyrë tipike, gratë në të 30-tat dhe 40-tat e tyre janë përgjithësisht të shëndetshme për tu ngjizur dhe Qendra Kombëtare e Statistikave të Shëndetit thotë se kjo tani është grupi me rritje më të shpejtë të grave që tani kanë fëmijë.

Edhe në media, ne po shohim që gjithnjë e më shumë gra njoftojnë për shtatzënitë e tyre pas moshës 35 vjeç. Carrie Underwood së fundmi ka njoftuar një shtatëzani në moshën 35 vjeç, Halle Berry kishte fëmijën e saj të parë në 41 dhe të dytin në 47, ndërsa Meghan Markle, njoftoi shtatzëninë e saj të parë në moshën 37 vjeç.

Pavarësisht nga mosha apo faza e jetës, të kesh një fëmijë mund të jetë pak e frikshme. Sidoqoftë, nëse flasim me gjuhën mjekësore, nuk është më e zakonshme që gratë të presin pak më vonë për të filluar ose vazhduar një familje dhe në shumë raste nuk është as më e vështirë.

Ekzistojnë shumë studime në vazhdimësi lidhur me këtë temë.

Një studim i veçantë në New England Centenarian zbuloi se të kesh një fëmijë më vonë në jetë mund të të ndihmojë të jetosh më gjatë. Një tjetër studim hulumtues i quajtur Feeling Old vs Being Old (Të ndjehesh i moshuar kundrejt të Qënit i moshuar ) ka zbuluar se të kesh një fëmijë kur je i moshuar mund të të ndihmojë të jetosh një jetë më të lumtur dhe pa brenga.

Rritja e një foshnje gjithashtu bën çudira për trurin e të rriturve.

Një studim në Gazetën e Shoqatës Amerikane të Geriatrics(Journal of the American Geriatrics Society) tregon se si të mësuarit dhe duke parë fëmijën tuaj teksa mëson dhe rritet është treguar se përmirëson kujtesën tuaj, të gjykuarit mendor dhe aftësitë e zgjidhjes së problemeve, ndërsa të gjitha këto mbajnë trurin tuaj më të mprehtë.

Kështu që, nëse jeni duke iu afruar të 35 -ve ose 40-ve dhe nuk keni filluar ende një familje, mundohuni të mos stresoheni. Akoma mund të arrini një shtatëzani të shëndetshme në këtë moshë të "përparuar të nënës ".

Shkenca konfirmon që ngjizja në një fazë të mëvonshme të jetës jo vetëm që mund të bëhet, por përvoja madje mund të vijë me përfitime të shtuara. Mbani trupin tuaj të shëndetshëm dhe përqendrohuni në ndërtimin e jetës që dëshironi, ju lejohet të keni një fëmijë edhe pas moshës 35 vjeç.